على العموم شكرا
كبرتك وعلمتك وشغلتك
وماشي معاك لغاية جوازتك
عاوز إيه تاني مني؟
ح تقولي: كل الأبهات بيعملوا كده
ح أقولك نعم وأعترف لك
لكن إنت غير كل الولاد وأحلف لك
لابتسمع كلامي ولا بتقضي مشواري
ولا مقتنع بيا أصلا
بتزعق فيا ولا بتصبح عليا
ولا بتشتاق وتقولي أهلا
على العموم شكرا
أنا شيلتك كتير ولسه شايلك
وهشيلك لغاية ماتتجوز وأفارقك
وبكده؟
يبقى عملت اللي بيعملو كل أب
في حق إبنه يعني: حقك
وبرأت ذمتي
في: قربي وبعدي أنا عنك
سيبني أعيش لإخواتك
إخواتك كلهم أصغر منك
بس خلي بالك؟
كل اللي: بتعملو إنت فيا
والله العظيم ليقعدلك في: إبنك
حربي علي
شاعرالسويس
ليست هناك تعليقات:
إرسال تعليق