زمن الوحوش
حوش يازمن عني وحوش
حوش ناس لا بتسمي
وحوش ما بيرحموش
حوش وحوش حوالين مني
وماصين دمي وحوش
زمن الأدهم ولي وراح
وزمن بدران هما الوحوش
راحت رجال العز والهيبة
وفضلت رجال ما بيرحموش
ما بيختشوش ما بيستحوش
حوش يازمن عني وحوش
الناس كانت بوش واحد
بقوا دلوقتي بسبع وشوش
كدبوا علينا وضحكوا علينا
وعشمونا وانتوا نور عنينا
وعلي بيبانهم وقفونا
وفي الأخر ما بيفتحوش
حوش يارب عنا وحوش
الناس اللي بسبع وشوش
الناس اللي ما بيرحموش
دي الرحمة تجوز علينا
وكفاية ياشوية وحوش
وحوش يازمن عنا وحوش
الناس اللي لا بتسمي
واللي تملي ماصين دمي
وعلينا ما بيرحموش
حوش
بقلم
احمد محمود
من ديوان حبة رتوش
ليست هناك تعليقات:
إرسال تعليق