(بقالي كتير بقول حاضر
خلاص مليت)
الحمل تقيل على كتفي
خلاص كليت
ومين يسمع آنين وجعي
ياناس دليت
عمر وعدى ع الفاضي
وياما خبيت
خبيت أفعال بتدبحني
لناس عليت
كتير هدموا أمال فينا
وليها بنيت
نقول بكرة يكون ذكرى
على فكرة أنا اتخميت
وكنت أقدر أقول لاء
لكن لاء هتقفل بيت
ياريتني أبيت
ماعات ينفع نقولها ياريت
كانوا هيقولوا دا جاحد
دا كان أهون من دمع عيون بيها اتوضيت
وجيت اصلي ع القبلة
قالوا خرف وعدى السن واتجنيت
الهم بيا مش راضي
برغم إني بهمي رضيت
قلم
نور الدين محمد
(نبيل)
٢٣/١/٢٠٢٣
ليست هناك تعليقات:
إرسال تعليق