قدر ومكتوب من زمان
أن القدر يبعد ما بينا
تلقاه مكتوب ع الحيطان
وحيطان قدرنا جبينا
حروف مكتوبة ع الجبين
نقاطها ساعتنا وسنينا
فيها فرحة عماله تضحك
وفيها حزن وصوت أنينا
صوت أنينا لما يرحل
حب غالي وحتة منا
ياخد معاه زهر الحياة
ويسيبنا لعذابنا وحنينا
عمر الحبيب ما هان علينا
وعمرنا في يوم ما خونا
خانا هو ولا الزمان
هان علينا وبرضه هونا
هو كده حكم القدر
بس خسارة يا ريت ما كنا
نزرع بإيدنا نبض القلوب
وما نحصد إلا جنوننا
يحيى حسين القاهرة
27 مارس 2020
ليست هناك تعليقات:
إرسال تعليق