عين ياليل ياليل
ياليل ياعين ياليل
كان ليا صاحب عاشرتة
لكن بالقوي ازاني
دق عليه الباب
فتحت له كل بيباني
من الفقر والهموم نشلتة
واخدتة في احضاني
سقيتة الحلو كله
من كأس المرار سقاني
اتارية تعبان كبير
ومنه الكل حذرني
ما صدقتش كلام الناس
ولا علي بالي خطرلي
إتارية ندل وخسيس
ومتربي علي اللوعة
اتظاهر بغني النفس
طلع شبع بعد جوعة
اتأمر. مع الأندال
ومالي سرقوني
وقعدوا جنب مني
قال ايه يواسوني
مطولوش في الحكاية
وبسرعة نسيوني
ولو شافوني بالصدفة
عملوا ما يعرفوني
خايفين أمد لهم
في يوم ايدي
مع انهم أخدوا مني
ومن ايدي
ما يعرفوش اني اصيل
ولا مد يوم ايدي
يارب انت الكريم
وعارف كمان حالي
هات حقي من الأندال
ورجعلي حلالي
دا الشرف والأمانة
هما راس مالي
بطلت اصاحب الأندال
ولو دقوا علي بيباني
بقلم
احمد محمود
من ديوان بنا. حروف
ليست هناك تعليقات:
إرسال تعليق