( فرق سِن )...دويتّو ...
بيني وبينَك م السنين عشرين
إزاي نحب ونبقى متفقين
وإزاي عايزنا يبقى لينا مكان
أنا وإنتَ بين الحب والعاشقين
بيني وبينِك نبض جوه وتين
قلبي وقلبِك من زمان دايبين
عِشقنا بعض بروحنا بالتأكيد
ده الروح بتعشق يعني قبل العين
طب مين هيفهم أو يقدًر مين
الناس حقيقي بجد مش فاهمين
مابنتعاملش أكيد مع ملايكة
تعاملنا دايماً ويّا بني آدمين
مش فارقة مين يفهم أو يقدّر
يوم بعد يوم وحبنا بيكبر
ف ماتشغليش بالك بقى بيهم
وبلاش كلامهم في حُبّنا يأثّر
إزاي وهمّا معانا ليل ونهار
وإحنا معاهم تملّي بإستمرار
لو جينا يعني أخدنا مرة قرار
قدام قرارنا هيفضلوا واقفين
مايهمّكيش من وقفة الأشرار
مايخفش أبداً م الغرام أحرار
ومادام خلاص قادرين بقى نختار
مايهمّناش فعلاً من اللايمين
بيني وبينك م السنين عشرين
إزاي نحب ونبقى متفقين
بقلمي عبدالحميد وهبه
ليست هناك تعليقات:
إرسال تعليق