في وسط الزحمه هتلاقي
كتير ياما بشر مكسور
تلاقي حلم متعلق
وحلم يادوب بيتخلق
ونطفة نور
وشمس بتحبي وتعدي
يومياتي السور
وصبح بيرمي اوجاعه
قماش كاستور
وليل بيدق في اوتاده
ويقفل عالأمل بابه
ويعمل م العرق شابو
ويسقي الدور
وفجر بيرمي في جراحه
لناس راحوا لشط البور
عشان مايشوفوا ضحكتهم
وسكتهم ازاز مبدور
في وسط الزحمه هتلاقي
حمام طفشان
وورد كتير ومتقطف
مالوهش عيدان
ونخل بيصلي وبيركع
وتوت خزيان
وريح بيهد ويقلع
في طوب جدران
ويرمي الخوف كما الغنوه
في كل مكان
في وسط الزحمه هتلاقي
اكيد انسان ................
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق