ــــــــــــــــــــــــــــــــــــــــــــ
أَدِيْنِي جِيت لِبَاب بِيْتَك
فَتَاه فَجْأَه الكَلاَم مِنِّي
بِدَمْع العِيْن وِلَبِّيْتَك
مَالِيش غِيْرَك يِشِيل عَنِّي
أَنَا رَافِع إِيْدَيَّا لْفُوق
وِسَاكِت بَس مِحْتَاجْلَك
يَا عَالِم بِالْخَفَايَا وِفُوق
وِعَارِف قَبْل مَا انْدَهْلَك
أَنَا التَّايِه فِي 100 سِكَّه
وِمُش حَاسِس بَأَيّ سَلاَم
بَصَلِّي بْقَلْبِي وِفْي مَكَّه
يَا قَابِل تُوبِةِ النَّدْمَان
أُمُورِي كُلَّهَا فْي إِيْدَك
أَنَا جَايْلَك مِسَلِّم لِيك
وِحَاسّ الرَّاحَه فِي بِيْتَك
رَمِيت هَمِّي وتُكَالِي عَلِيك
يَا رَبّ اِغْفِرلِي وِارْحَمْنِي
وِقَوِّيْنِي عَلَى الدُّنْيَا
وِزَكِّي بِقُدْرِتَك نَفْسِي
وِعِينِّي عَ الْحَيَاه الفَانْيَه
أَدِيْنِي جِيت لِبَاب بِيْتَك
فَتَاه فَجْأَه الكَلاَم مِنِّي
بِدَمْع العِيْن وِلَبِّيْتَك
مَالِيش غِيْرَك يِشِيل عَنِّي
ــــــــــــــــــــــــــــــــــــــــــــ
كلمات الشاعر أحمد شاهين
------ مصر -- أسيوط ------
ليست هناك تعليقات:
إرسال تعليق