.................
ما خلاص يا دنيا إتبسمي
أنا قلبي مات
ضاع عمري حسيته إتسرق
قدامي فات
دفنت عشقي ما فيش أمل
جنب اللي مات
طول عمري عايش فى الهوى
صمت و سكات
لا الشوق بيمسح دمعيتي
ولا لاقي قلب لشكويتي
محروم وراضي بقسميتي
ما الحب مات
مات كل حاجه رسمتها
وفى حلم توبي دفنتها
عاشق لفرحه ما خدتها
والحزن بان
بان بينا حاجز كل يوم
يكبر يطول بقى ليل شجون
مسجون وعايش بين جنون
عشق و عذاب
طول عمري عايش بيك وحيد
وصبرت يمكن فيه جديد
صابك غرور بعناد تزيد
تاه ليه الأمان
بأيديا هربط على الوجع
وأرسم ألم صوت إتوجع
وأقفل عيوني لا عاد رجع
كاره لقاك
كرهت حتى أسمعك
ولا هصفى تاني وأصدقك
هديت بأيدك معبدك
بقى كوم عذاب
صرخه في صمتي
وقولتها إرتاح لي بال
طفيت خلاص كده شمعيتك
ضيك و غاب
بقلم .. صبري رسلان
ليست هناك تعليقات:
إرسال تعليق