في الحُب إنت مدرسة وسِيد الأساتذة
وطلِعنا جانبك في الغرام فعلاً تلامذة
في العِشق واخد دكتوراة وشهادة عُليا
وإحنا مازلنا في الألِف وعليها همزة
عندَك كاريزما تخلّي كلُه يحس بيك
من جملة واحدة الكل يتجنن عليك
وبيعشقوك فعلاً أكيد ويدوبوا فيك
من نظرة واحدة ولّا يعني يدوب بغمزة
في الحب إنت مدرسة وسِيد الأساتذة
في الحب إنت طلِعت إستاذنا الكبير
في مدارس العُشّاق أكيد إنت المدير
خطْف القلوب ويّا العيون فعلاً هوايتك
ما إنت بصراحة طِلعت فيهم أكيد خبير
الكل عارف إنت إيه طبعاً وفاهم
مين ده اللي فيهم يعني يوم يقدر يقاوم
بنظرة يعني ولا كلمة واحدة منك
تلقى الجميع دايماً معاك فعلاً مسالم
بقلمي عبدالحميد وهبه
ليست هناك تعليقات:
إرسال تعليق