_كل الصعب عدي لما كنت وحيد بتعاني
كنت تايه كنت خايف إترجيت الأيام
وكتير كانت بتخالف
عدت أيام وليالي كانت مُرة كنت فيها بتجاهد
والسنين جت عليك داست
ولقيت نفسك بتعدي وبتجاري
أمور كنت تتمني فيها حد يساندك
أو حتي معاك بيجازف
بس يا خسارة ماحدش فيها كان بيك حاسس
مالقيتش حد جنبك واقف
كان مين ممكن تنده عليه ويجيلك؟
كان مين ممكن يحس بيك ويشيلك؟
ده اللى منك......
ولا مره فهم سكاتك
لما كنت بتصرخ من جواك
لكن قدامه ساكت
ولا بص في عينك
لما كان فيهم حزن يكفي مدائن
عمره ما كان بيك حاسس
واللي عرفك...... لكن
مش في طيبتك
ممكن مش شبهك
أخ
حبيب
صديق
أو حتي مرافق
كل دول كانوا مجرد أسامي
هاتلي حد ليك مكانة عنده
بإنكوا واحد
تفضل تحكي ودايماً ليك سامع
قابل منك حُبه وافي
حكم عليك الزمن تفضل وحيد بتعاني!
لاااا يا زمن
الصدمة ليك بالرد المفاجيء
=
برغم إني وحيد
أنا من الصعاب عديت وبالتجارب قويت
وعرفت قيمة ذاتي
وبقيت أكتر حد فاهم
مش فارق يعني أكون وحيد
ااااه يا زمن
قلم. نورهان محمد علي
ليست هناك تعليقات:
إرسال تعليق