يالجاية ف سطور لقصيدة
يالناسجة لحلام ف خيالي
يابسمة موال و ثغريدة
يامعانقة لحروف في بالي
انت الجنة وردة بلقيس
ياللي سماوك بسمة لزهار
يارفيقة كل من جاي وجليس
انتي سحر لمواج ولبحار
يافضالة لا مامنك زوج
مانسولوا عليك عرافة
ياك مقصودة الشط وسحر الموج
نقسم ثربتك ياك ولافة
من شافك لابد ما يعرف
بسمة حلوة زينة النظرة
بين رباط والبيضا ماتلف
احدايق فيها كل زهرة
جامعك يسلب له كنسلم
ف القصبة مازال يكبر
ياك كل ماقربت له يعظم
قيمتو شلى ويزيد يكبر
والعالية داوي كل حاير
ديك عايشة سرها وحبورها
وتعانق بمحبة الزاير
امنورة في عز سرورها
مسجد مالي ظاهر من بعيد
احروف لقصيدة مرسومة
كل لحظة طل علينا بجديد
نسمتو بالحب منسومة
من اشرب ماك لابد ويعود
يطفي عطشك يالقادم ليه
من سر الباري داك الموجود
كل الطرقان ياك توريه
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق