ما تيجي نقول كلام م القلب
ونحكي لبعض بصراحة
وزي ما فيه ما بينّا قرب
نخلّي ما بينّا فيه مساحة
مساحة ود وصداقة
خلالها نحكي ونفضفض
ساعات البعد حرّاقة
لٓكن مسيرنا نتعوّد
وآهي حاجة من التجديد
بيها نوصل لحل أكيد
ولو كان اللقا هيفيد
جايز يبقى البعاد راحة
ماتيجي نقول كلام م القلب
ونحكي لبعض بصراحة
جايز تبقى المساحة ساعات
مفيدة وفيها نتكلّم
ومن جوانا نحكي حاجات
ومن أخطائنا نتعلّم
وإيه يمنع نعيش صديقين
ومش لازم نكون حبيبن
وجايز نبقى يعني إتنين
ليهم كان البعاد أسلَم
هنخسر أيه لو نّحاول
وندّي لنفسنا فرصة
بود وصدق نتعامل
ونفهم بعض من همسة
جايز تبقى دي همزة وصل
بين القلب أكيد والعقل
وجايز تبقى هي الحل
وبيها تخلص القصة
بقلمي عبدالحميد وهبه
ليست هناك تعليقات:
إرسال تعليق