اول محطة نزلتها
كانت في فلسطين
اشوف ايه اخبار اهلها
لقيت الوضع زي الطين
موت وخراب ودمار
حتي اللقمة مش لاقيين
رجعت تاني لسكتي
بقلب موجوع قوي وحزين
عديت علي الأردن
لقيته خايف قوي وحزين
طلعت طوالي علي سوريا
لقيتها اتقطعت يجي خمسين
مريت علي لبنان
لقيت الأرز كله انين
قولت اشوف بغداد
لقيت طرح النخل العالي
نوي فاضي وكله انين
طلعت علي يمننا السعيد
قلبي. انفطر بكي وانين
عايشين علي ورق الشجر
يرضي مين يا مسلمين
مريت علي مغربنا العربي
اللغة فرنسي اكتر من العربي
ولبعضيهم متربصين
قولت اشوف سودانا الجريح
لقيت الحتة بقت ميت حتة
ونسيوا الفرح والقلب جريح
عديت علي خليجنا العربي
ما بقاش عربي والفجر صريح
رقص واغاني وزقطتة
وباعوا القضية بوجه صريح
ما عادش عربي يهمهم
إن كان مقتول ولا جريح
و اخر. محطة في رحلتي
مصر العروبة دي سكني
لقيت الوضع غير مريح
واقفة لوحدها. امام الموج
والكل مستني يعدي الريح
الكل ملهي في دنيتة
سايبينها كدا في وش الريح
يا عالمنا ياعربي ياجريح
قوتنا والله في وحدتنا
غير كدا ها ياخدكوا الريح
بقلم
احمد. محمود
ليست هناك تعليقات:
إرسال تعليق