روح غور يا واد انت وهي
بلا شوق بلا حب و ملاغية
تحضنها وتبوس وتدلع
وفي الاخر برضة النكدية
انا عايز آكل يا وليه
ولوولو عليك الحرامية
دا كفاية جاي ومتأخر
ولا جايب فول ولا طعمية
لا تقولي حوا ولا أنسية
دي حبيبتي آلية إصطناعية
بتجيني وقت لما افكر
وافكر ليه ما كفاية هي
ما تلاقي منها مرة أسية
ولا رز ومحشي وملوخية
ولو قولت تعالي وحشاني
حتكون إجابتها كوميدية
ما حتلقي بالدنيا حورية
لا جن ولا انس ولا آليه
الحور العبن بقلب الجنة
وفي قلبك افكار خيالية
يحيى حسين القاهرة
6 مايو 2025
ليست هناك تعليقات:
إرسال تعليق