لساك زعلان
لساك يا عم زعلان
من الدنيا ومن الأيام
لسه قلبك شايل
من اللي غدر و خان
لسه مدي للدنيا امان
لساك ماسك سيرة
فلان ابن فلان
والله ياعم الدنيا دي
دنيا غرورة ومتفاتة
اللي متغطي بيها عريان
سنين عمرك اتسرسبت
علي ناس مالها امان
ناس نسيت ملامحك
وكمان نسيت العنوان
سيبك ياعم منهم
وكمان غير العنوان
سيبك. وعيش اللي باقي
في كنف وطاعة للرحمن
واللي ظلم ها يتظلم
واللي غدر واللي خان
حقك راجع في الدنيا
وربك لا يعرف النسيان
في محكمة العدل الربانية
الكل علي الميزان
خد من دموعك واتوضي
واسجد واشكي للرحمن
وربك والله رب قلوب
الذي لا يغفل ولا ينام
بعد دا كله لساك زعلان
بقلم
احمد محمود
من ديوان بنا الحروف
ليست هناك تعليقات:
إرسال تعليق