أنا بيتي حضنك
انا طير وطاير بين ايديكي
بيغني ليكي
طاير وعارف سكتي
حواليكي بس يا وردتي
ولو تعبت أنا وقفتي
على طرف غصنك
أنا قلب حاير أمره فيكي
فيه حاجه شاده الروح إليكي
ممكن تكون رقه ودلال
أو صوت حنون سحر وجمال
هيموت ويعرف سر حسنك
أنا شوق وداير مني ليكي
إن مهما غاب بيعود اليكي
لو زمنه جار أو مهما دار
مالهوش مسار بره المدار
مدار عنيكي
عاشقك كده من صغر سنك
أنا حد واهب عمره ليكي
دايما مسلم أمره ليكي
ده كلام خيال شئ م المحال
إنه يعيش مع حد تاني
غير عنيكي
مانا أصلي بيتي جوه حضنك
بقلمي/ خالد جمال ٢١/٧/٢٠٢٥
ليست هناك تعليقات:
إرسال تعليق