البال عليه ومطوِّله
ومعاه ولا مقصّر
بتباهى بيه وبدلِّله
ومعاه ولا مأثّر
والليل معاه من أوله
بغرامه مدَّثّر
وكلامي لِيه بيأوِّله
على كيفه يتفسّر
أوصفله شوقي ولهفتي
فيقوللي طب قصّر
ف عيوني سيل حنيتي
وبكلمة يستخسر
ليه مُصِر يسرق فرحتي
وف عمري بيقصَّر
يظهر غلطت ف نظرتي
وعشقت شيخ منصر
وليلاتي أداري ف دمعتي
على حالي وأتحسّر
وعشان غرامه ف مهجتي
وف قلبي متأصّل
أخاف لو أشكي يصدني
من عشقي يتنصّل
ليه الغرام طبعه كده
طوالي بيخسِّر
وأنا صبري طال فاق المدى
ف ضلوعي بيكسر
دانا كلي أملي نظرة رضا
ويا ريتها دي محصّل
شيخ منصر
بقلمي/ خالد جمال ٣/١٢/٢٠٢٥
ليست هناك تعليقات:
إرسال تعليق