قصيدة: وشوش مرسومة وجع
بقلم الشاعر: محمد عدلي محمد أحمد – شاعر دندرة
أنا شُفت في الدُنيا ناس...
وشوش مرسومة وجع،
ف عيونها صمت رهيب...
أبدًا ما تعرف يأس.
وشوش بتمشي في الزحمة...
تداري في الابتسامة خوف،
تِحضن حلمها خايفة يضيع...
ويمشي على رصيف الفشل.
وفي عيون طفل مشرد...
شُفت ملامح إنسان معذّب،
وشُفت حلمه بيتكسر...
لكنه بيهرب م الهزيمة.
وستّ شايلة الألم عَ الضهر...
بتضحك والقلب غرقان،
الطيبة فيها قوة وسند...
ما يعرف الذُل ليها ببان.
وعَ الناصية بياع ورد...
مستني أملهُ الضايع،
بيقول: متخافش م الدنيا...
اللي بيِزرَع حبّ، يلقاه.
وفي القلب أغنية بايته...
بتونس الليل وتقول:
زرعنا الخير ف الصدور...
خضر الزمن والمراعي.
كل وشّ حكى قصته...
ورسم ع السطور همسته،
م الضلمة بتتولد قوافي...
وبالحرف صنعنا سفينة نجاة.
أنا القصيدة اللي بتنطق...
بصوت الناس وأوجاعهم،
وترجع القمر اللي غاب...
وتسافر بيهم لمدن السلام.
ليست هناك تعليقات:
إرسال تعليق