دمعة أمي لما كنت أشوفها
نزلة من عيونها نارها قايدة تكوي فوق خدودها
سامحيني يامة على الفراق دا غصب عني ياحبيبتي
أنا قلبي ليكي ديما بيشتاق ودعنا دا قدر مكتوب علينا
من زمان قبل الولادة فوق الجبين مكتوبي
أغلي دمعة
يصعب عليه يابه
أشوف في يوم من الأيام دمعتك فوق خدودك
مش عارف ياروح القلب ونورة منها ترتاح ولاتنام
يابويا دمعك عزيز على قلبي بيهد فيه بيكسر ضلوعي
مش قادر أوصفلك ياحبيبي عليك زعلان أد إيه
لما أشوفك قدام عيني مكسور يحز فيه
وانا عارف أنه غصب عنك وعليه مجبور أشوف دمعك
نازل وأنا واقف عاجز ضعيف اليد مكتوفي
أخوية بعد أبويا هو السند
اللي عليه أقف واتسند
لو يوم مال بيه الزمان والحمل مال مني
هو اللي عطول بيشيل الحمول عني
وهو اللي ضهري بيه مشدود
أخويا نور القلب والعين والنني
دمه دمي من لحمي ومن دمي
أختي
حبيبتي ونور عيني سماي وضلي
بنت أمي وأبويا اللي من روحهم
وجودها اللي باقي ليله و فاضلي
اخاف عليها لو يوم جه ليمها سوء
بروحي افديها وحافظ عليها وأحميها
قطعة من لحمي
هي اللي لما أشوفها أشوف بعينيها
حنان أمي ولهفة أبويا
بقلم عبد المنعم مرعي
ليست هناك تعليقات:
إرسال تعليق