على جميع الأهل
والأخوه وعلى كل الموجودين
على صفحتى أحباب وأصدقاء
وكما وعدتكم إنني سيلهمنى
الله وبقلمي أكتب قصيدة
أقل تشاءما من سابقتها
وأرجوا معرفت رأيكم
في التعليقات
لكم مني كل الحب
والجميل والعرفان
شاعركم خيرى حسنى
إبن ديرب نجم؟؟؟؟؟
قصيدتي تقول......
قصيدة بعنوان
(لما تصعب ؟؟؟؟)
لما تصعب عليك الأمور.
و تزيد عليك الهموم وتشتد
لما الليل يطول ولسه
مطلعش النهار لما تلاقي
كل شيء واقف ضدك
ومتلاقيش إيد تتمد لك.
لما تلاقي الكل وال ليك
وال كنت عشمان فيه خير
والدنيا والغربه بتبهدلك.
لما تبات ودموعك
على خدودك من المواجع.
والألم وديون محوطاك.
بتذرف دم وال يسوا
وال ميسواش بجمايله
يعد لك.
لما.....
كتير قوي كلمة لما لما
تحس نفسك وحيد مخلوق
في عالم لا أنيس ولا جليس.
تنام تقوم وترتمي على فرشتك.
محبط لا فيك حيل ولا حتى
نفس وروح داخل الجسد.
وكلام كتير جوا الصدر.
لاتلاقي ال تفضفض معاه.
الا حيطان الغرفه وعتمة
الليل وتنهيدة الويل وناس
منك تخذلك.......
لما تلاقي حلمك أصبح
فشوش وأنت يدوب على
الهامش لا ليك ذكرى
ولا معنى ولا وجود
وإنت هربان داخل
حقيقتك. لاعادة ليك
ملامح ولا شكل ولا لون
ولاطعم ولا حتى حروف
داخل قصيدتك من نقصك
بتكملك.....
لما تنهار قدام عينيك
وتلاقي نفسك بطولك
واقف في مهب الريح
والعواصف العاتيه وصفير
هايخرم طبلة ودانك ونفسك
تصرخ بعلو صوتك فيرجع
لك صداه إنت الوحيد تسمعه.
تغرق في بحور الهموم
غريق ومين هيرمي لك طوق
النجاة فتقضيها سباحه والشط
هناك على مد شوفك.
ومش قادره دراعينك في
السباحه توصلك.....
لما تموت في غربتك.
لا تلاقي مين يغسلك
ومين يكفنك ولامين
بالشهادتين يلقنك.
لما تحس إنك عشت
في الدنيا عمر طويل
وكنت مخدوع في ناس.
فاكر إنهم بيحبوك نزفت
ليهم دمك وبيعت عمرك
عشنهم وأول ما الدنيا جت
عليك وبانت عليك تجاعيد
وشك وشعرك إبيض.
وإشتد عليك كسرة الضهر.
فاتوك وسابوك تعاني.
لا سألوا ولا حتى بكلمه
لو من ورا القلب.
وكدبي على حالي إن
في لي حبيب بعشقه
وبدوب فيه وهو دنيتي
وحياتي وبري وأماني
وستري وغطاي
وليك روحي
وهبت لك
يبقى.....
تقوم وتصلب حيلك
وترمي على الأرض
سجادة صلاتك
وتلجأ لرب العباد....
وتسجد وتبكي إنه يفك
كربك وينجيك من المهالك.
والهموم ويزيح عنك الغمه.
وال رماك في عز حوجتك
ونسيك تنساه لو في إيده
دواك وعلاجك وأفضل تموت
بمرضك وحيد.......
بدون مايكملك.....
15/2/2026
بقلمي أنا شاعر العاميه.
(خيرى حسنى )
ليست هناك تعليقات:
إرسال تعليق