انت انس ولا جن
ليه لقلبك قلبي حن
ليه معاك العقل جن
جيت لقلب استكفى أنّ
حملي مال بي وعدى طن
شكلي فاق من عمري سن
جيت بصنعة يا واد وفن
بعد شك كتير وظن
إن زمني عليا ضن
قاله كفك عنه كِن
قاله خِلصِت قاله ضَن
أنت سطوة عشق حافل
ولا جيش شوق م الجحافل
لما كان القلب غافل
جه بكل هجومه شن
ولا هاتف فكري خاطف
جه محمل بالشعور
ويا العواطف
وسط نوة وجو عاصف
هدى فيا جراح تئِن
أنت سرك يابني باتع
أنت قلبك قلب بارع
انت عشقك نجم ساطع
قادلي نور كان فيا قاطع
بين غرام الدنيا كله
وبين غرامك فرق شاسع
جيت لقلب ضعيف يصارع
في المهالك والمواجع
السواد ولَّى وما راجع
والبياض خليته ناصع
كل حزني وكل همي
كل جرح وسال ف دمي
بعد عشقك غيم وقاشع
أنت بارع
بقلمي/ خالد جمال ٢٠/٤/٢٠٢٦
ليست هناك تعليقات:
إرسال تعليق