نور عنيا ياللي غايب
قلبي مشتاقلك ودايب
أي اللي بس جد بينا
داحنا كنا اتنين حبايب
يظهر أن احنا اتحسدنا
حد شافنا برمش صايب
ليه بإيدنا نبكِّي روحنا
نبض قلبي يدق شايب
ليه اسانا يزيد جروحنا
يبقى لِيه ف قلوبنا نايب
خوفنا يكتم فينا بوحنا
بعد همس لروحنا طايب
ليه غرامنا راح وسابنا
بعد شوق خطَّى السحايب
ليه غيابنا يدق بابنا
ضيف تقيل للحزن جايب
مين يصدق يبقى حالنا
ويل وحيرة وناس تعايب
أو فراق يهدم أملنا
دنيا فيها كتير عجايب
ليه خضعنا لهجر جالنا
قولنا ليه للنوح مراحب
قول يا عمري ورد مالنا
مالنا غير الود صاحب
عودي م الفرقة وزعلنا
بات ضعيف والوش شاحب
لوم قلوبنا أو عتابنا
رحمة عن بعدك يا غايب
عود حبيبي ولم بينا
شمل قلب لقلب دايب
قبل ما الحسرة تداهمنا
زي وحش وليه مخالب
ياللي غايب
بقلمي/ خالد جمال ٢٣/٤/٢٠٢٦
ليست هناك تعليقات:
إرسال تعليق