لو جسمي غاب.. ادعولي
مش عشان مت.. عشان يمكن تعبت من الدنيا
يمكن روحي سافرت.. قبل ما جسمي يسيبها
يمكن قلبي استكفى.. من الوجع اللي فيها
لو جسمي غاب.. ما تبكوش
ابكوا على الأيام اللي عشتها وأنا مش أنا
ابكوا على الضحكة اللي كانت متدارية
ابكوا على الحلم اللي مات قبل ما أشوفه
لو جسمي غاب.. ادعولي
قولوا يا رب سامحه.. كان طيب زيادة
٠كان شايل هم غيره.. وناسي همه
كان بيدي للكل.. وماحدش إداله
ادعولي بالرحمة.. لو كنت قصّرت
ادعولي بالمغفرة.. لو في يوم جرحت
ادعولي بنور.. في قبري لو ضلّمت
وادعولي بالجنة.. لو كنت استاهلتها
لو جسمي غاب.. افتكروني
افتكروني بضحكة.. مش بدمعة
افتكروني بدعوة.. من قلب صافية
افتكروني بحكاية حلوة.. كنت أنا سببها
أنا مش خايف من الموت
أنا خايف أموت.. وقلوبكم تنساني
خايف أمشي.. وما أسيبش أثر طيب
خايف أغيب.. وما حدش يقول "الله يرحمه
فـ لو جسمي غاب..
سامحوني لو زعلتكم في يوم
سامحوني لو قصرت.. غصب عني
سامحوني.. وادعولي
يمكن دعوتكم.. هي اللي تنجيني
وأنتوا..
عيشوا.. وافرحوا.. وحبوا
ما تخلو ش غيابي يوقف حياتكم
*أنا همشي.. بس سيرتي هتفضل بينكم
لو كنت خير.. ادعولي بالخير
ولو كنت شر.. ادعولي بالهداية
لو جسمي غاب..
يبقى روحي لسه بتطوف حواليكم
بتطمن عليكم.. وبتدعيلكم
فما تنسونيش..*
عشان اللي بيموت بجد..
هو اللي الناس بتنساه 🤲
ويجعل آخر كلامنا من الدنيا: لا إله إلا الله 💙
محمد السيد حبيب
٢٩/٥/٢٠٢٦
ليست هناك تعليقات:
إرسال تعليق