لو أقوله كلمة رضا
بصعوبة يتقبِّل
نظرة عيوني كده
بيقوللي بتسبِّل
لو جيت كده يروح كده
بحرت بيقبِّل
غاوي تقل غاوي بغددة
من كلمة بيهوِّل
أشواقي مالهاش صدى
وكأني بتسول
لو اقوله دايب أنا
ف ثواني يتحول
يعمللي مش من هنا
وف بنها يتجول
دي طعامته فايقة المدى
لو شفته تتبرجل
ده كباب يا ناس ع الغدا
ده بانيه ومتبِّل
ليه تملي مترددة
لسعادتي بتأجِّل
مطيورة متلهوجة
وكلامها مستعجل
على قلبي متشددة
على ضعفي تسترجل
بحلم ترد الندا
في ورودي ما تدبل
نفرح نكيد العدا
أحزانّا تتبدل
لشموع تئيد عمرنا
والغيمة تتبدد
لو مال ف يوم للهوى
لو ليا يتودد
بقلمي/ خالد جمال ٢٦/٤/٢٠٢٦
ليست هناك تعليقات:
إرسال تعليق