عايشلك حياتي يا غالية
وعمري ما عنك اتوب
ولو قلبي لف الدنيا
هواكي قدر مكتوب
عايشلك وعمري ما هنسى
جمالها عنيكي السود
وروحي هتفضل حاسة
لو البعد عدى حدود
عايشلك سنيني الجايه
ف عمري لآخر يوم
واهبها لأحلى صبية
عاشقها ودايب دوب
ده مهما البعاد هيطول
ومهما السنين هتفوت
لا عمري ف يوم هتحول
هحبك لحد ما اموت
ما كانش اللي بينا غرام
ده عشق اتولد ف الروح
بيكبر مع الأيام
لا يعرف بكا أو نوح
عاملك مفاجأة يا عمري
ده أصل الهوى غلاب
حبيبك وصل من بدري
يا ريت تفتحيله الباب
ليه بس الدموع يا عنيا
ده طيرك لعشك عاد
خلاص مش هسيبك ثانية
كفاية غياب وبعاد
بقلمي/ خالد جمال ٢٠/٥/٢٠٢٦
ليست هناك تعليقات:
إرسال تعليق