<><><>><><><><><><<><><><><><><><><>
بكره العيد مانعييد،،،وعن دربو رح بنحييد،،،واللي بدو يعيدنا
يصف ع الدور ويقييد،،،يقيد اسمو وعنوانو،،،وفقر يبارك خلانو،،،جايه عليهن ت يعيد
//////////////////////////////////////////////////////////////
ليش عم تبكي وبتشكي ؟! غليان النور
طز يازلمه قررنا ع العتمه نعيش
الأسعار طلعت وما تغطي المصروف الأجور؟؟
الشغله بسيطه رح نشحد وع كرامتك انزل تطنيش
تجار بلدنا الركبوا طيارة الجور
نقلن شويه على مهل،،، اتهدوا هيش
انهدوا بيوتنا بالبراميل خرب المعمور
ع رصيف الشارع عنواننا نحنا الدراويش
//////////////////////////////////////////////////////////////
تقللي العيشه ببلدنا صارت شي محال
طيب دخلك لوعندك الحل تقول
جعنا عرينا وصرنا بابشع حال
قنعنا رضينا وبدلنا اللحمه بفول
بتقول مرتك من نقا دقت الاهوال
العيشه بقربا صارت شي مومعقول
بكل صبحيه ناولني،،، شو هالموال
قسما عظما مابيحمل موالا كديش
/////////////////////////////////////////////////////////
ولما اعصب بتقللي سيدي عايشين
نحنا احسن من غيرنا اشكور الرب
لف حديثك ياعمي وشوف الملايين
النا بسعرن لاتحكي ونصيحه انضب
بدي افهم عم تندب السائل مين
امساح دموعك النازله ع خدودك صب
ياعمي بيكفي تغني موال حزين
كولك نافق واهتف يسلم ويعيش
/////////////////////////////////////////////////////////
يعيش يللي،،،مين يللي؟؟! اخراس ولاك
سدو لبوزك ياجدبه ياسافل هس
لف ماعندك ماشايفو للواطي هداك
الكان طيب وطاهر وأصبح نس
جاع المسكين للظالم قال روحي فداك
جعت عريت ياريتك بحالي تحس
قللولو اكتبلي تقاريرك بتكيد عداك
وللي يلومك بتقللو انا بدي أعيش
//////////////////////////////////////////////////////////
شعر ؛ d,, نذيردهان
ليست هناك تعليقات:
إرسال تعليق