بعلنها بصراحه وبكل وضوح
عمر جمالك ما هزنى فى يوم
لأن الجمال هو جمال الرووح
لا فيه تعالى ولاغرور ولا تعظيم
ضيعتى جمالك بغرورك ودلالك
وراح عمرك بين التردد والقرار
سنينك راحت ومكنتش ع بالك
حتى المرايا نسيت تديكى إنذار
إفتكرتى جمالك ثروه وراسمالك
ولا إهتميتى بكلامى بأى إعتبار
مسمعتييش إلا نفسك وخيالك
وأفتكرتى إن كل لياليكى نهار
ومفيش شىء يقدر يقف قبالك
وإن العيون بتلاحقك بكل الأنظار
و نسمه شبابك طردتيها بأفعالك
وخليتى العصافير تهجر الأشجار
بأعلن إنسحابى فى أصعب قرار
أتأخر لسانى يعلن عنه من زمان
لما لقيتك كل يوم بتزيدى إصرار
والتغيير على ملامحك كتر وبان
ومش عايزة تغيرى بقا من حالك
وتعترفى إن أخرة الغرور إنكسار
..........................................
....... د . حسن الشوان 🇪🇬 .......
ليست هناك تعليقات:
إرسال تعليق