حتى إن ندمت وقولت تاني ياريت
وإن جيت قصاد الكل يوم وبكيت
بإيه يفيدنا ندمك يا قليل الأصل
بعد أما دُست علينا وإتخطيت
بعد أمّا قولت كلام ماهوش معقول
طالع تذوّق ليه في كلام معسول
ما أنت الكلام ده أصله شغلانتك
بس كلامك لينا مش مقبول
وفّر عليك ندمك وأي دموع
كل اللي شافك بصراحة كان مخدوع
قرر خلاص تنزل لسابع أرض
نزلة مافيش من بعدها فيه طلوع
إنت الأصول أصلاً ماتعرفهاش
وتاريخ حياتك كله راح ببلاش
وإحنا الغنم اللي إنت قولت عليهم
جايين نخلّيك عبرة وحاجة ما تسواش
جرّبت حب الناس دي ياما سنين
طول عمرهم كانوا معاك واقفين
اليوم ده جرّب يا درش بقى كرههم
ومن النهاردة إعرف همّا مين
لو حتى يوم فكّرت بقى تعتذر
أقف مكانك يا درش بقى وإنتظر
ما الصعب يعني إننا نسامح
غلطك كبير صعب إنه يوم يتغفر
بقلمي عبدالحميد وهبه
ليست هناك تعليقات:
إرسال تعليق