وليه ح افضل تملى وحيد
مابين الأهل والخلان
دنا قلبى ملهوش زى
يدارى جرحه ماقال أى
يبات ليله تملى حزين
ماتسمع له بُكى وأنين
بيستنى اللى لسه جاى
وعقلى يقول لى لأ مش جاى
يرد القلب بتحدى يقول أهو جاى
دنا البسمه اللى بتطمن
قلوب دابت ف أحزانها
دنا الدمعه اللى بتحنن
عيون غرقت ف أوهامها
دنا الضى اللى بينور ف كل مكان
يمد ايديه بفرحه للى بات زعلان
دنا الغصن اللى مد فروعه ع الجدران
دنا العاشق للون الطيف
انا الضحكه ام دم خفيف
وحتى العمر لو فاتنى يفوت تخاطيف
عشقت وقلبى كان راضى
وعمره ف يوم ماكان شمتان
بنبكى ليه على الماضى
ونعشق دايما الأحزان
يارب بحكمك انا راضى
وبرجو العفو والغفران
سيد الحلوانى
ليست هناك تعليقات:
إرسال تعليق