يا شروق الدنيا ولهفتا
مسامحك يا أضوى سماح
يا قدر.. مكتوب.. علينا
وما لقيناك بر آمن
ولا حتى من ريدتك شفينا
هي كلمة وعيونا محقونة
بي الدمعة السخينة
لا لقيناك بر آمن
ولا حتى من ريدتك شفينا
ياهاجره أرحمي مشاعرنا الحزينة
الياما أبكيتها وبكيت
معاها بي الدمعة السخينة
لا ريدتنا البتهاتي بيك دلت
رفيف خطوك يطل علينا
ونحنا سلوتنا السماح
المعتق شذاه فينا
ويا سماح من علاكي طلي مرة
جودي مرة وأرضعينا
من حلمات الشوق لبينة
وعودي تاني لي علاكي
أكان قدرتي وأنسى إنك
كنتي قاااسية.. قااااسية
وكم شهقتي عطشانة
في خيالك بتهاتي بينا
وأعذرينا أصلو ريدك
كان قدر مكتوب يجينا
وأصلو ريدك في الأزل كااااان
أحلى قسمة وشهد عاسل عينينا
وأعذرينا.. وأعذرينا.. وأعذرينا
الحبوب الشبشاوي
(بشير التوم إبراهيم)
الخرطوم السودان🇸🇩
#الشبشاوي
ليست هناك تعليقات:
إرسال تعليق