إنت البشارة والسعد البردالروح
للجراح رساي جل الأبدع اودع
فيك حنون ناغاي
يا الساكنة ومتجذرة في جواي
آه من طريفك السحايبه همت
عينة خريف بكاااااي
آآآآآآآآآي يا خريف العمر
الأشرق سماحة وغمر دنياي
يا بهجت الروح الخلقوكي
ليا ما لسواي عشقته فيك
لباقة السمح وناس
وخلقه الصبوح شاشاي
وكون من لطافة ورقة
وعظمةالنهج السليم والراي
آه من عبق شذاك الدوام ناغاي
آه من لهفة اللهف اللهيف هواي
سليم الزوق والأدب والراي
وحنان الحفي كواي
علمني الصهيل والقوق
وكيف الروح تخاصر الروح
تدوب وتنسرب تفتق جراح
وترترق جروح
وتتلطف تهدهد شبوب الشوق
بريدك يا العلمتيني الصراح
إحتراف العشق الجسور وشفوق
كمل صبرا المكتم في حشاي
أصبح لجوج وشقوف آه منك
حافظاني في سرك وجهرك
تغريدة وصال ونفحات
من حنان أمي وحضن أمك
يا تمام كيفي وكتاب فهمي
الدوزن نظمي وعزف لحنك
جميل غرسك ثمار نخلك
إيثارك وإخلاص نيتك بيشهدلك
لحظة قيثارك رنا وعزف لحنك
رمح النيل هدر موجه بدور قربك
جلسةهاديةولحظة
أنس في حضنك
بعيدة إنتي وقريبة
يا الآسرانا في جواك
وأرواحنا وقلوبنا معاك
وبخيالنا شايفنك
وشايلنك معزةفي وليد العين مخبنك
عفو الخاطر
الحبوب الشبشاوي
(بشير التوم إبراهيم)
الخرطوم السودان 🇸🇩
#الشبشاوي
ليست هناك تعليقات:
إرسال تعليق