لساني بحبِك لساني
حاسك يا حبيبتي وحساني
ماسة الروح فيا ومساني
الشوق صبحني ومساني
صورتك في القلب مأنساني
وردك بيميل على أغصاني
غير اسمك ما نطقشي لساني
لا بعاد يوم عنك أسَّاني
ولا كون ف غيابك نسَّاني
الوعد اللي معاك رسَّاني
بعد سنين حيرتي وتوهاني
لسه الأشواق مالكة زمامي
في سكوتي معاكي وف كلامي
لسه عنيك مصدر إلهامي
ودوايتي وورقي مع اقلامي
لسه الهمسات ساكنة كياني
أرغولي ولحني وأنغامي
لسه اللمسات ماحية آلامي
ترياق للروح من أسقامي
بدر السما نجمي اللي ملالي
لساكي أميرة أحلامي
لا هيام ولا ميل لهواك قلوا
ولا شوق وحنين يوم ليك ملوا
ولا طول مسافات بينا يخلوا
قلبي وروحي عنك يتخلوا
يا حبيبي هواك ف الروح شايله
ولا يمكن يوم هنسى جمايله
ياللي الأفراح بلقاك هلوا
لقى قلبي معاك شمسه وضله
بقلمي/ خالد جمال ٢٤/٨/٢٠٢٦
ليست هناك تعليقات:
إرسال تعليق