كانت الروح أقرب لك مني
كنت لعيني النور والنني
ماتخيلتش عشقك يوم
يبقى لقلبي عذاب وهموم
تنسى الوعد وتبعد عني
كنت زمان لغرامك بَوفي
وانت الغدر ف قلبك مخفي
كنت بخاف ع الحب واصون
وانت بعِزم ما فيك بتخون
أصل هواك كان نقطة ضعفي
هوه عشان كنت معاه سالك
يرمي الروح وياه في مهالك
ولا عشان سلمت له أمري
امشي معاه على شوكي وجمري
ألقى نهار الشوق ليل حالك
ليه اللي يحاجي يا ناس على حبه
تغدر بيه وتبيعه حبايبه
هو ده شرع الهوى يا اهل الله
يبقى الشوق والعشق مذلة
للي بيخلص ليه من قلبه
ولا انا بختي في حبي قليل
أهوى الهوى ويفوتني عليل
واللي انا قلت عليه ده حبيب
ظني في قلبه ألقاه بيخيب
تبقى خيانته دي رد جِميل
بقلمى / خالد جمال ١٠/٩/٢٠٢٦
ليست هناك تعليقات:
إرسال تعليق