مين اللي جاي عندي
وسألني عليك وقالي مالك
ومين في شدتك ووسط الظروف الصعبة
وقف جنبك ومد إيده وقالك وبعدها لك
المشكلة مش فيك ياقلبي المشكلة عندهم هما
وفيهم الناس المجرمة بوشين
اللي كنت ليهم حضن دافي مليان حنان
وهما هما نفس الناس اللي نفسهم
ماتقوملك قومة ولا تعرف منها تنام
كنت دايما بمد أيدي بالخير والسلام
كنت بطبط عليهم ماشي بينهم حمامة سلام
بكل ود مودة واخلاص ومحبه وأمان
طلعوا عليه مايعرفونيش
احساسي زي صفيح هوت بيها الريح
بعد ماخلعوا الوش الملائكة اللي كانوا
ليه لابسين
ظهر لي الوش التاني الحقيقي تبعهم
بعيد عن الزيف كله غدر وخسة رخيص
الغدر في دمه ظهر عليهم وبأن صريح
اللي واقف ورا البيبان مستني
يشوفوني بقع ابو وش كالح وقبيح
اصلة إنسان جبان
معلش ياعيني عليك بالقوي ياغلبان
حاسب منهم ياقلبي
لا تعيش عيشتهم ولا تبقى زيهم
خاينين العيش والملح ماصنوش ودهم
معروفين في كل مكان أصلهم
يبيعوا برخص التمن عند اللي زي صنفهم
منهم خليك حذر أوعى تدي الأمان
لا في غمضة عين
تضيع وماتعرف ترجع تاني من عندهم
اهرب لأي مكان بسرعة روح اوعي ترجع لهم
وانفد بعمرك وامشي واياك تقع لهم
بقلم عبد المنعم مرعي
ليست هناك تعليقات:
إرسال تعليق