.......قصيدة شروقي
................مشتاق...............
مشتاق قلبي إلك ياخاطرة ع البال
ومشتاق شوف الضحك ع رموش عينيك .
كل يوم عند المسا ببعت إلك مرسال
وإنطر جوابك إلي وإتطمن عليك
حتى إنسألني حدا رح قول ماشي الحال
وخبي بقلبي اﻷسا حتى ما يئذيك
تمنيت كون الحلم زورك متل لخيال
حتا إن زاد الجفا بالبال خليك
ورش بعيونا الهنا من نفحة الموال
من الليل بشحد غفى حتى يغفيك
وجوات صدري المسا بنصبلك العرزال
وحدو جنينة ورد وزهور ترضيك
وتبقي بقلبي العمر وسكر عليك بغال
ومافي حدى بالبشر يقدر يﻻقيك
بقلمي .
الشاعر عيسى وسوف باظة
ليست هناك تعليقات:
إرسال تعليق