(قصيدة)
_______(لييا مين؟)
____&_____
أوعى يا امه تروحى مني؟
بعدك أنتى لييا مين؟؟
راح يخفف ألمى عنى؟
و يحلى مرار السنين؟؟
دا انتى الوحيدة ف حياتي.
اللى ليها بقول أمين!!
مهما يكبر بيا سنى.
طفل محتاج الحنين!!
و الحنين عندك انتى.
جوا قلبك الأمين!!
اللى مش مستنى حاجه.
غير حضن ف وقت الأنين!!
دا انتى يا امه مشكلاني.
بالحب زى العجين!!
اللى بترسميه بإيديكى؟
ونبقى لييه مشتاقين؟!
عايزه تحرمينى منك؟
و ابقى من غيرك يتيم؟؟
مليون بعد الشر عنك .
أى مرض يكون لئيم!!
ياللى حبك جوا قلبي .
ما يعلمهوش غير العليم؟!
دا انتى يا امه نور عيوني.
بلاكى يبقوا دبلانين؟!
ضمينى قوى كده ف حضنك.
أحس بإحساس الجنين!!
زى ما كنت عايش ف بطنك.
و نبضك ف ودانى رنين!!
كان بيشرح لييا صدرى.
وعروقى يبقوا دفيانين!!
طمنيني عليكى يا امه.
ما تسبيش قلبي حزين؟!
أوعى يا امه تروحى مني؟
بعدك أنتى لييا مين؟؟
بقلم الشاعر.
السيد حسن السيد.
27/3/2021
ليست هناك تعليقات:
إرسال تعليق