..................
الراجل حاله ما بيسرش
ولا يعجب حد ..
إكمنه لا حول ولا قوه
محظور من الرد
ده مجرد صوره وعالهامش وخيال لمآته
تمثال لا بينطق ولا يقدر
مكتوم لا شماته ..
فين الشخصيه وفين حقك فين راجل البيت
لاغيين فى وجودك لمؤاخذه ولا عاد
فيه يا ليت ..
الست الحاكم والناهي
هي اللي تقول ..
أراجوز في أيديها مالوش لازمه
لا له طعم ولون ..
دي العصمه في أيدك
يا أخينا إتحرك فوق
مش معنى الطيبه
تكون لولو فى رقبتك طوق
عندكوا كده حق
وفار دمي
مش هنزل سوق
لا طبيخ ولا غسل السجادة ..
لا خضار ولا أعبي الثلاجه ..
ده مجرد .. بس
عليه ندهت
ركبه بصواميلها يا ناس فكت
شايفين أشياء
عنده إتبليت
شال شنطه سوقها وفوريره وقوام عالبيت
بقلم .. صبري رسلان
ليست هناك تعليقات:
إرسال تعليق