..... بالروح والدم ......
في كل صفحه من كتابك
تاريخ من المجد والبطولة
والكل كان حراس لبابك
واقفين وعارفين معني الرجولة
والكل كتب بالروح والدم
أصل البلد لينا هي الأم
طلع نهار جمعه يناير
يوم خمسة وعشرين إتنين وخمسين
والانجليز ع القسم جاير
بسبع تلاف جم مسلحين
كان أكسهام لوا العساكر
لمبني المحافظه جال وحاصر
رفض النقيب مصطفي رفعت
وبتمنميه وروحه جاسر
خمسين شهيد وتمانين مصاب
من بعد ساعتين م الضرب بالنار
وم المدنيين ورا الأبواب
وصوت المدافع مبكي الصغار
واستسلموا الأبطال بشرف
وبقيمتهم الكل عرف
والإنجليز ومعاهم جنودهم
أدوا التحيه لحظة خروجهم
وسألوهم :
ليه القوة فيكو في كل فرد
قالوهم :
أصل الجهاد عبادة وفرض
الشاعر الغنائي / عرفات فرج الله بلبل
ليست هناك تعليقات:
إرسال تعليق