كان زمان
انسى اللي كان أيام زمان
العيله راحت والمكان
حتي القلوب اتحجرت والبيوت اتقفلت
من غير ببان
والاخت تاهت عن أخوها
والأخ هان
والذكري باتت حبر وورق
والورق اتحرق
واللمة راحت والجيران
انا قلت مالكم يابشر
قالو من شكلك عبيط
فاكر لسه عيله ولسه بيت
لماتشوف الحب قل له راح زمانك وانتهيت
كنت فاكر لسه الحنان
وأنه عايش جوانا انسان
اتاريني باحلم جوا ليلي
ولوحدي عايش ف اللي كان
والحقيقة ان الوشوش
ساكن وراها قلوب وحوش
والغدر بان والدم هان
والبيوت اتقفلت من غير ببان
وقالولي انسى اللي كان
أيام زمان
كلمات سيدحجزي
ليست هناك تعليقات:
إرسال تعليق