ندير لخير
علاش ما ندير لخير ؟!!
وا غير دير لخير و نساه ألحبيب
حاول تعمر كتابك هنا بلحسنات
خليك من رضات الله ألغالي قريب
ما تصيبك فحياتك حتى مطبات
تلقى لكريم لكل دعواتك مجيب
و عليك أصاحبي ما تسلط مصيبات
ديما فطريقك احسن لحلول تصيب
فصفحتك خير لحسنات تسجلات
خلي رياح لخير عليك ما تغيب
و بقى لمحبة و لمودة من لهوات
ديما فضل تساند بالفعل و بَجِيب
بقلب نظيف واسع و بيد ما عيات
فاعلين لخير لا شي عليهم صعيب
بلاهم لغني بسخاوة و ترحيب
حاشا واش تصيبهم شي مصيبات
نفوسهم ما ترضى لغيرهم بتعذيب
و بواب لخير فوجوهم تفتاحات
لمَا بين يَدِيهُم يَتصَرَف حلِيب
لغَنِي منَجِيهُم مَن جميع جَايَات
الشاعر و الزجال الغنائي و القاص
ذ . بلعباس المختار
ليست هناك تعليقات:
إرسال تعليق