إياكي
إياكي والريح والمسا
وحصان جريح تتعّزي فيه
وضريح
مكان م إنتي تلاقيه
جواكي م يشيل الأسي
مشهد صريح
الصبح منك يتخطف
ينزل بك الضوء الدبيح
طوق الدوار
دم الحوار ف عنيكي
حاجه مؤلمه
لو بان جريح
آخر نهار ف الحلم
ح يضم إنتظار
وإن عّلقوه ف الدار طريح
ينبش ف ريح
يّمك يصيح
هو انتى ليه بصحيح كده
قاسمه الندّا
بينك وبين جرح المّدي
من لمسه بيطيح تركبي
تقل المسامع
والودان
متشعلقه بصوت الأدا ن
من بره بس وكاتمه حِس
وكاتمه صوت
ح اضحك عليكي
وأقول بأحس
إن إنتي ليّا كل شئ
وح أقول ب أموت
فيكي وخلاص
وأفوت خلاص
مبسوط بأشوط
وأركب وراكي الموجه
وأحبي معاكى طوع
وإن كان كده
ممنوع أخّبى
والبّى أمرك ف الرجوع
أرجع واجوع
وبقلبي على بابكِ صّنم
بّس إسمحيلي
القِربهّ مّخرومه قوي
وانا مّحض عازف
بأنكوي قوي ع البيبان
صايبهُ الصّمم
فّضّا الكاسات
لكني ب اللحن الشّجي
يّمكِ ب أبات
من وحى عشقكِ
بارسمكِ
أجمل نغم..............!!!
شعر
صلاح محمود عفيفى salahmahmodafify
ليست هناك تعليقات:
إرسال تعليق