إوعى تقول الهّم
طريق
ح يطول
ويطول وياه
إحساس الآه
وتسيبنى
وإن أملنا ف بكُره
بعيد
إسأل حلم امبارح
روح لهُ
تعرف منهُ
إن الهّم موّدع آخرهُ
وإن وراه
جايّه المواعيد
وبدال
م تفّكر ف الترحال
تمشي طريق اليأس
وحيد
تنسج فرح إيام
عشناه
وكلام قولناه
وأحلام بتزيد
يبقى الموال
على نغم الذكري
لبكُره
الضايع وإنت بعيد
أصُبر
صّبر قلبك
إسمع كل كلام
الأمل
الواقف بينا
بكُره الجاي
على أّدى وأّدك
صّدق
يبقى محُال
من بعد..م نمشي
طريق
وصّلنا الصبر معاه
نتفّرق
وأهي بوابة بكُره
قُصاد نا
وإنت معايا الحلم
وأصدّق صاحب
والرّحال
ليه
تبقى الضايع مِني
انا اللي ح أكون
لعيونك
أنسى ظنونك
لأبقي العامل
م الأحزان
مّوالي
ليه ترضى لي
أكون الفرحه
اللى م كملتش
أكون الضحكه
اللى م طلعتش
أبقى لبكُره
طريق مش واضح
مليان خوف
وياه
وانا رايح....!!!!
شعر
صلاح محمود عفيفى
ليست هناك تعليقات:
إرسال تعليق