كنت بقول باللي قلبي شايفه فيكي
مش مصدق ليه بترفضي مدحي ليكي
مستحيل فيه واحدة زيك ......
ليه بإيديكي تطفي ضيك.........
أيوه حبك فيا ساكن
أيوه قلبي حس بيكي
مش هاقول تاني ف مفاتن
مش راح اوصف تاني فيكي
صدقيني مش هاقولك
مهما كان القلب ملكك
الكلام الحلو قولته
وانتهي مني كلامي
إنسي أي شئ وصفته
كان دليل حبي وغرامي
وصف تاتي لا ماهاوصف
ياللي قلبك عاش ما ينصف
حطي طوبه بعد طوبه
وابني بيها سد عالي
خليتيني اقولها توبه
إني اعيش ليكي الليالي
هي دي المرة الأخيرة
ليكي روحي مش أسيرة
الشاعر الغنائي / عرفات فرج الله بلبل
ليست هناك تعليقات:
إرسال تعليق