قال....... وقالت!!!
عنترة و عبلة
قال:
تطفى نارك يانتي وتعود ارماد
ويهب اعليها الريح اتذريها
والعشق إذا مات عمرو مايتعاد
يبقى ذكرى للنفس اعييها
قالت
ماني عبله ماك عنتر بن شداد
وتقاتل عنها ابسيفك تديها
قال :
يامعشوقه ياك طيفك من لثماد
سيف عيونك سيف روحي مديها
حاربت العديان في الصحرا والواد
وبارزت الأبطال روحك نبغيها
همس اشعاري ليك يانور الوقاد
وقطعت القفار وحدي خاليها
قالت:
ياعنتر وعلاش تحكيلي لسراد
سلمتك القلب والروح اديها
صوتك يالحبيب في ذاتي رداد
يبقى للعشاق بلسم يبريها
هذا حبك قاس لقلوب اوْلكباد
وابقى للتاريخ اجيالو تحكيها
قال :
ياعبله وزمان عشقك بالتنهاد
يابلسم للروح عنتر يفديها
انت دمعة شاقه في خدي واد
ياويلي مازل عايش ماضيـــها
ب//الشاعر / محمد السبتي
ليست هناك تعليقات:
إرسال تعليق