****** إسمع ياللي غاوي *****
إسمع ياللي غاوي ......... عندي م الحكاوي
ياما كتير وياما
فيه من الحواديت ...... موجودة ف كل بيت
فيها م العلاما
ف الحب كانوا اتنين
إتسموا بالحبيبين
حلفوا يكونوا لبعض
مهما الفراق والبعد
وف ثانيا ودعهم
ويالأها دمعهم
وراحوا ف غمضة عين
ولا عرفوا ليه او فين
فيه قلب كان همه
لصاحبه كان ضمه
ف الشدة كان شايله
بالوعد اللي قايله
والتاني باع صاحبه
وللغدر كان ساحبه
واداله من سمه
وفارق ولا همه
والأخ مع أخوه
أكل ف مال ابوه
وضيعوا ابوهم
إللي عايش ليهم
نسيوه بأفضاله
ورموه لأقداره
وادي الأخ واخوه
رموا ابوهم وسبوه
فيه أخ من طمعه
خد ورث مش تبعه
ومسألش ف اخواته
وعاش لحياته
ناسي ان فيه المولي
برد الحقوق أولي
وبكره يشوف دمعه
م الورث اللي جمعه
وكتير كتير ياما
عايشنها دواما
حدوته وحكايا
ببدايا ونهايا
واسمع ياللي غاوي
الشاعر الغنائي / عرفات فرج الله بلبل
ليست هناك تعليقات:
إرسال تعليق