عيشة أهلك (546)
...............
دلوني يا ناس قلبي
فى حيره بين جنه ونار
غرقان في غرامها وشداني
لبحور أسرار
دي يوماتي تألف فى حكاوي
وطمعها هيدفنها وناوي ما تعمر دار
قال بابي ومامي طنط وعمو وحفيده باشا ومن دمه
طلعت كدابه أصل وصورة
من بيت متوسط على قده
وبتفشر وارثين عن جدو
عمارات فدادين غير الفكه
ملايين فى البنك ما يتعدوا
وسألت عليها قالوا كدابه
مديونه في توكتوك بتسده
طول عمرها لاهي راضيه بحالها ولا عيشه أهلها تحلالها
وتمالي لفوق دايما باصه
هيأخدها طمعها لطين وحله
أخريتها أهي ضاعت في متاهه
لا نفعها طموح مسموم دمه
عيشوا عيشه أهلكوا وإتلموا
دي نصيحه حجاب للي يهمه
بقلم .. صبري رسلان
ليست هناك تعليقات:
إرسال تعليق