كان ظهورِك فى حياتى نقطة فارقة
كان بداية الحياة وأجمل مفاجأة
لما قلبك نادى قلبى وقالّه أفتح
قلبى ماترددش ولاّ قالّه لأه
كنت عايش قبل منِك شخص عادى
كنت بالأحزان وغيرها تملى راضى
كانت الأيام مجرد شئ وعابر
والطريق طول عمره كان ضلمة قصادى
نور عينيكى جه ونورّلى الطريق
صرت مش عايز أكيد م الدنيا شئ
إلا إنى فى حضن قلبك نفسى أبقى
كان ظهورِك فى حياتى نقطة فارقة
كان ظهورك حاجة فعلاً مش عادية
كان بداية باب أمل بالنسبة ليا
كان مجرد حلم عشت أستنظره
بعد موتى رد روحى تانى فيا
شفت بعيونك حاجات ماشفتهاش
حتى قلبى بعد منك حاسُه عاش
حتى حلمى اللى فاكر إنه ماجاش
جه مع وجودك وشفته قصاد عينيا
نور عينيكى جه ونورّلى الطريق
صرت مش عايز أكيد م الدنيا شئ
إلا إنى فى حضن قلبك نفسى أبقى
كان ظهورك فى حياتى نقطة فارقة
بقلمي عبدالحميد وهبه
ليست هناك تعليقات:
إرسال تعليق