حبة رتوش
مين اللي قال إن الكبار
ما بيضعفوش ما بيحتاجوش
مين اللي قال إن المشاعر
عندهم حبة رتوش
مين اللي قال إن القلوب
بالوقت تتحول صخور
بالعكس دي بتصبح أرق
ومعتقة زي العطور
وقادرة تطرح بالأمل
وتطير لفوق زي الطيور
جواها حب ونور وخير
بيكبروا ما بيصغروش
انا شعري ابيض أه صحيح
لكن جوايا احتياج
اللي في سنك ما
يشوفوش ما يحسهوش
علي قد خبرات السنين
قادر ا بان جامد رزين
لكن جوايا حنين وحاجات
كثيره مع السنين
ما بيموتوش
جوايا حد حاجات بسيطه تفرحه
جوايا عاشق الخيانه بتجرحه
جوايا طفل حضن أمه بيوحشه
في حد فينا الحنان ما بيوحشوش
اياك تفكر إن عمرك انتهي
وحاجات كثير ما تقولش
ده مش وقتها
فيه بكره جاي فيك قلب حي
عيشوا وغنوا وافرحوا ما تكسلوش
احبك ياللي في جمالك
ما شفتهوش
بقلم
احمد محمود
من ديوان حبة رتوش
18/4/2016
ليست هناك تعليقات:
إرسال تعليق