*************
وكان البالطو دا بتاعه
وريحة المسك فاح ف أيديه
فى جيبه كل امتاعه
وطيبة قلبه بتدفيه
ورغم كل اوجاعه
يعدي ع المريض يشفيه
بضحكة منه كات صافية
ورقة ف قلبه كات دافية
وف الشدة اكيد تلاقيه
وكان الضي ل عيوني
بحبه لي تحاسبونى
دا مُش ذنبي ولا ذنبه
ما هو قلبي اللى دايب فيه
سنين بتعدي وتباعد
وانا و(الغالي) نتواعد
ف قلب الحلم انام جنبيه
نرجع ذكري كات بينا
نخبي دموع بقى ف عينا
وتفضل ضحكة مالية عنيه
ونتقابل ونتواعد ونتعاهد
وابوس ف ايديه
واقوله واحشنى يا ( غالى)
فى حلمي الجي تعالالي
يقول حاضر وخايف ليه
ويقفل جٍفنه ويسبٍل
ويتشٓهد وأصلي عليه
سامى ابو الغيط
ليست هناك تعليقات:
إرسال تعليق